اللهم ارزقنا حبك

وانت نايم بتحلم بايه؟؟؟؟
...اصل انا كنت دايما بلاحظ حاجه مهمه اوي في احلامي :)

اني دايما بحلم بأخر حاجه حصلتلي او فكرت فيها في يومي :)

..يعني مثلا احلم بأخر حد اتكلمت معاه قبل ما انام أو مثلا اخر مسلسل او كارتون او برنامج شوفته وشد انتباهي
واجارك الله بقي لوكان مثلا اخر حاجه فكرت فيها اوشفتها كانت رعب مثلا بيبقي يوم كله حرب وكوابيــــــــس
بس من فتره كده لاحظت غريبه اوي بتحصلي..وحبيت اشارككم بيها :)

هكون معاكم صريحه واقولكم اني الاول مكمنتش ببقي حريصه قبل ما انام اني اقول اذكار النوم

او ايكون ليا ورد معين وادعيه محببه لقلبي وبعض ايات اقولها قبل ما انام
بس من فتره الحمد لله كويسه بدأت التزم شويه في اني اختم يومي بذكر الله سبحانه وتعالي :)

وبجد يا شباب ويا بنات لاحظت حاجه غريبه جداااااا وعاوزاكم كلكم تجربوها :)

انا كنت مثلا لما اخلص الاذكار والايات والادعيه اللي متعوده اقولها والاقي نفسي لسه مرحتش في النوم

افضل اسرح وافكر في حاجات كتير دنيويه من مواقف واحداث زي ما قلتلكم من شويه :(

بس بعد فتره قلت لنفسي طيب بدل ما اقعد اسرح في حاجات ملهاش فايده انا افضل اقول مثلا لا اله الا الله محمد رسول الله لحد ما اروح في النوم :)

وفعلا طبقت الفكره ديه ...ومش قادره اقولكم يا جماعه بجد اللي بقيت احسه بعد كده :)

عارفين اني بقيت لما اقلق من النوم او اصحي الاقي نفسي اول حاجه وعيت عليها هي اخر ذكر او دعاء كنت بكرره لحد ما رحت في النوم :)

بجد احســـاس رااااائع انك تنام وانت في معيه وذكر الله وتصحي برضوه علي ذكر الله سبحانه وتعالي :)

اولا تخيل كده لما تفتح عينك وتبدا يومك وانت بتذكر ربك ...اكيد هيكون كله خير ان شاء الله :)

ثانيا لما فكرت كده قلت لنفسي لو انا مت وانا نايمه يكون ربي سبحانه وتعالي راضي عني واخر حاجه عملتها في حياتي هي ذكره سبحانه وتعالي :)

طبعا محدش ضامن عمره ولا عارف هيموت امتي ولا فين بس اهو تفكير جالي ..وربنا يرزقنا جميعا حسن الخاتمه يارب :)

ايه رايكم بقي في الفكره بتاعتي؟؟؟؟

عاوزاكم بجد تجربوها ولو جابت معاكم نفس النتيجه اللي جابتها معايا يبقي متبطلوهاااااش خااااالص ان شاء الله :)

بس كمان عاوزه اقولكم حاجه مهمه علشان محدش يقول اني بروج لبدعه ولعياذ بالله
خلونا نحاول نخلي اخر ذكر او دعاء بنكرره لحد ما نروح في النوم مش دعاء ثابت :)

يعني كل يوم نقول دعاء اوذكر مختلف علشان منبقاش بنعمل حاجه غلط :)

خلاص كده اتفقنا هتجربوها ؟؟؟وان شاااء الله تقولولي علي النتيجه :
يلا بينا بقي كفايه رغي اوي كده وخلونا نقووووم :)

لاء لاء متخافوش مش بطردكم من النت ولا حاجه :
انا بس عاوزه نقوم نلبي نداء رب العالمين وهو بينادي علينا دلوقتي سبحانه وتعالي ويقول

هل من تائب لاتوب عليه ؟؟هل من سائل لاعطيه؟؟؟هل من مستغفر؟؟؟

يلا يا مسلمين نلبي نداء ملك الملوك ونقول لبيك ربي ...لبيك ربي :)

جايلك ياحبيبي يا الله ومش هتأخر عن معادي معاك :)

ومتنسوووووش الدعاء لكل المسلمين والمسلمات والمؤمنين والمؤمنات الاحياء منهم والاموات بامغفره والرحمه :)

اخواني واخواتي في الله

قيام الليل اكرمكم الله

جزاكم ربي الفردوس الاعلي

بارك الله

يا رب اجعل الجنة ملتقانا امين
شكرا يا ملوكة