مجروح ويداوونى

سمع حكايتى يا شيخ المجروحين **كان ويايا زمان انسان كنت اديته أمان وحنان **كان مجروح مش لاقى دواه ** كان مكسور مخدوع فى هواه **خدته فى حضنى وشلت أساه** واتحملت معاه الآه ** ليلة ندانى وقالى .. حبيبى ** انت خلاص مابقتش حبيبى ** روح واحتار .. ليل ونهار **كنت معاه فى ليالى الآه .. شلت عذابه وشلت أساه ** اتحملت جراحه وناره ** اتحملت ليالى... مراره ..... قبل ما أكمل وأنسى أحكيلَك **مرة قابلنى مقربليش .. بَص فى عينى ماكلمنيش .. ولا بسلامه ما فرحنيش ** بقى بالذمة ده يبقى كلام .. بقى بالذمة ده يبقى غرام ** قُصْر كلامى .. أنا صنت هواه .. خدت الجرح وشلت أساه ** حتى الآه منى ما خرجتش ** بس دموع عينى ما سكتتش ** نزلت تصرخ فيه وتقول .. ارجع ده أنا مشتاق للنور ** ليه ما سمعش كلام الدمع ؟؟؟ ليه مامشيش ورا نور الشمع ؟؟؟شده الموج ورا نور خداع !!!.. أصل سراب الحب وداع !!!.. سبته وعشت ليالى عذاب ** استنيته يعود وما تاب ** فجأة ظهرلى ملاك من نور ** قوَّى القلب وجابلى النور ** بعد ما سور الحب انهار .. شد القلب وعلَّى السور ** داوى القلب وكان مكسور .. قضى شهور وشهور بدور ** فجأة لقيته فى ليلة يثور !! قالى تعالى وشوف السور ** أنا علّيته مافهش كسور ** بعد ما شفت السور والنور ** قالى تعالى وبُص هناك ** شفت أنا قلبى وحاضنه ملاك !!! بعد ما كان هيروح فى هلاك ** قربتله والخوف بيزيد .. فجأة لقيت القلب حديد !!! هو ده القلب الجريح؟؟؟!!! .. هو ده القلب الجريح ؟؟؟!!! قالى خلاص انا شلت جراحه .. شلت ألامه بنيت أفراحه ** دورت أنا جنبى لقيت !! أجمل صاحب قلب وبيت ** خدته فى حضنى ولا استنيت ** بعد ثوانى .. بأبص لقيت ** اللى دوانى ده كان انسان !! بس الروح بتقول ده ملاك .. حتى القلب يقول ده ملاك !! عشنا ليالى غرام وهيام .. دُقت الحب بنيت أحلام ** انت معانا يا شيخنا يا غالى؟؟ آسف بحكى بقالى ليالى !!.. بس الجاى فى حكايتى مهم !!! هو الويل والضنى والهم !! اللى حسبته ليالى لقيته .. اللى هويته زمان وداويته ... فاكر ولا أعيد من الأول ** قصة حزنى معاه وأطول .. حاضر هأحكى خلاص وهأكمل .. بس أرجوك ويا ريت تسمعنى .. دمع عنيه أنا شفته قصادى !!! .. ندمه وكل قساه عالماضى أعمل ايه دلوقتى يا شيخنا ؟؟؟؟ اللى دوانى وشالنى بحبه !!!! .. واللى جرحنى أنا لسه بحبه !!!!.. أعمل ايه ؟؟؟ محتار دلّونى أعمل ايه ؟؟؟ مجروح وداوونى

من حسن حظى انى انا اول واحدة قرات الموضوع وبقولك ايوا كدا يا وديع بجد الموضوع تحفة اية الرقة الى فى الكلام دا منين دا كلوا ماشى يا عم منتا سلطان الغرام
:اوك:

ايه الجمال ده هو الهام جات عندك النهارده ياوديع
ههههههههههههههههههههههههههه
لا بجد انت سارق الموضوع منين ؟؟؟؟؟؟؟؟؟؟؟؟؟؟ ياوديع

ابقى اسال الهام ياستاذ تهامى سيبك من الهام شكلك كده عايز فيلم فيه حريم كتير خد السناريو ده امرأ واحده لاتكفى انا استـــــــــــــــــــــــــــــأذ

ههههههههههه ماشي ياوديع
بس ماردتش علي ساندي ليه ياوديع