(نيجى للمهم) الجزء الثالث من ( وانت رايح تخطب)

الدرس الثالث

اول ما ابو العروسة يبتدى كلامه بجملة ..

( نيجى للمهم )

تعرف علطول انه هيبتدى الامتحان ..

ولازم تركز وتجاوب بتقدير جيد مع مرتبة وملل الشرف ..

ومش اى مرتبة مرتبة اسفنج مش تنجيد ..

( الشبكة )

اول ما تسمع الكلمة دى ..

ابعد عن الاجابة بتاعت :

(( انا تحت امركم ))

لحسن ساعتها هتسمع انواع من المعادن غريبة ..

وعمرها ما مرت على ودنك ..

زى الالماظ ،، والسولتير ..

ساعتها ما توافقش وافتكر زمان ايام الشبكة اللى كانت طقم حلل نحاس ..

وقلهم مفيش داعى للمصاريف ..

الشبكة دى هدية من العريس للعروسة بقيمتها ..

وطبعا انت عارف قيمتها عندك اد ايه ..

وكل واحد وتقديره ..

نيجى ( للشقة )

تسمع ابراج ،، فيلل ،، شقة بجنينه ..

اعمل فيها عبيط وطنش ..

وقلهم عندى شقة بمنافعها ..

اوضتين ،، وصالة ،، وعفشة ميه ..

يعنى هما هينهبوا

اهو على الاقل انت هتبقى طورت" نظرية" عش العصفورة ..

( العربية )

اول ما يسالوك على العربية ..

قلهم ناوى ادخل جمعية بنفرين واقبض الاخر ..

واشترى واحدة بالقسط 27 او سيات ..

ولو مش عاجبهم ..

يبقوا يركبوها تاكسى على حسابهم ..

واتحجج ان البلد بقت زحمة ومفيش اكتر من المواصلات والعربيات الكارو ..

( الفرح )

هنعمله فين ؟؟

قلهم السطوح عندنا كبير ويساع بدل من الواحد الف ..

حاسسهم انهم هيعملوا فرح بنتهم فى "الاستاد "

ولو ام العروسة اتحشرت وقالتلك :

بنتى لازم يتعملها فرح فى قاعه ،، او فندق ،، او نادى ..

ولا كانها الاميرة ديانا ..

قلها بس بس طلبك عندى ..

" مركز الشباب اللى جنب بيتكم "

وكام لمبة على كام كرسى بقى فرح ..

ولو اتكلمت قلها ان المنظرة ملهاش داعى ..

واول ما تلاقى ابو العروسة بيرفع ايده وبيقول سمعونا زغروطة ..

تعرف انك عريس لقطة وقعتلهم من السماء ..

وساعتها بص للعروسة واعمل فيها توم كروز ..

توم ،، مش بصل كروز ..

وابقوا اعزمونى فى الفرح انا بس ..
يارب تكون النهايه كويسه

خللي بالك شكل العروسة طلعت مقلب وماتستاهلش 3 حلقات
واضح انك عملت توم كرووووووز وفي الآخر حتلاقيها عيشة الكيلاني عارفها . وصباحية مباركة ياعريس الغفلة.

راى من راى ساندى مبلاش كل دا توم كروز حتة وحدة خليك على البساط الاحمدى واعمل سلطان عربى احسن
وجيب عيشة الكلانى دى لى بتقلك عليها ساندى ولا انت عينك على هيفاء لهذا عامل توم كروز.....تعيش وتاخذ غيرها ياعريس...

هههههههههههههههههه ماشى يا ستات
انا طول عمرى طوم كروز واحسن الحمد لله والبنات بتجرى ورايا جرى