قراءة حول الاحداث وسلام ياصاحبي .....
قد اكون مخطئاً ولكن شعرت انه لابد من ان اشارككم اصدقائي بما يجول في خاطري في ظل هذه الأحداث والقرارات ، استطيع ان الخص كل ما يدور في عدة عبارات
1- كل حلفاؤك خانوك ياريتشارد .... نعم استطيع ان اقول ان حلفاء ومستشاري د/مرسي خانوه فهم لم ينصحوه بما يفيده ويفيد الشعب ولكن صوروا له الحفرة انها حمام سباحة يستطيع ان يغوص في اعماقه ويستجم ويسترخي ويتسابق فيه دون ان يعترض احد فجاءت القرارات بعضها جيد واغلبها سيء ووجد نفسه في حفرة وخندق وحيداً يرميه الجميع بالسهام من اعلاها .
2- من ليس معي فهو ضدي .... اعتقد ان هذا هو لسان حال الحرية والعدالة أو جماعة الاخوان المسلمين فهم يهاجمون كل من ينتقد او يهاجم او يغالط الدكتور مرسي بل يصرون في اي حوار او جدال انهم علي صواب و غيرهم علي خطأ
3- مرسي فوق ...مرسي تحت ........ فهو احتل قمة الاعجاب في تحركاته وسياستة الدولية كما احتل ادني الإعجاب في سياسات حكومته وسياسته الداخلية
4- احنا بتوع الاتوبيس ...... عارفين مين بتوع الاتوبيس ؟انا وانتم و الناس الغلابة اللي عايزة تعيش مستورة وتربي ولادها الناس اللي ماتت في العبارة واللي ماتت في القطارات وحوادثها والناس اللي بتموت من الجوع والبرد والفقر والمرض وطوابير العيش
5 - طيور الظلام .. .... فاكرين الفيلم ده ؟ هو اللي بيحكي عن الواقع ناس بتلعب وناس بيتلعب بيها تحالفات ومنظمات واتحادات واحزاب كلها فرق بتلعب عشان تكسب واحنا بتوع الاتوبيس يتلعب بينا الكورة حد يقولي يعني ايه ذكري محمد محمود طيب ماشي موافق هو فيه حد بيحب البلد دي يحرقها ويساعد علي خرابها ؟؟؟؟؟
انا مش عارف خلاص ومش فاهم حاجة غير ان اللي بيحبوكي يامصر هم اللي بيتعذبوا عشانك مش اللي بيخربوكي ولا اللي بيهينوكي ويحرقوكي ..
6- سلام يا صاحبي ..... حد يقدر يقولي من هو صاحبي المقصود هنا ؟؟؟؟
