الضيف الثاني علي كرسي الاعتراف

اعتقد الآن يجب ان يكون لدينا ضيف جديد علي كرسي الاعتراف
والضيف الجديد هو العضو سلطان الغرام تحية له لتواجده المميز ومساهماته المتميزه لهذا الشهر فمرحبا به علي كرسي الاعتراف وأهلاً بأسئلتكم له عايزكم تخنقوه بالاسئلة ههههههههههههههه
وأبدأ الاسئلة بسؤالي الاول وهو عن بطاقته الشخصية

ايه ياعم النظام ده انت بتدبسنى ده وتحرجنى من غير حتى سابق انذار
ماشى انا هاوررريك هههههههه
على العموم انا اسمى احمد عندى 25 سنه وشويه كسور كده
مصرى واعمل فى مدينه الغردقه
اعزب حتى الان وجارى البحث عن عروسه
يارب يكون منستش حاجه

شكرا علي ردك ودا أقل واجب

اهلا يا عم السلطان ازيك وازى ابوك الملك حرفوش
اولا منور الكرسى بس ياريت مطولش وانت قاعد عليه احسن يقع بيك عشان ده كرسى هزاز.
ثانيا ادمين سألك عن بطاقتك الشخصية ففى رد قلت عندى 25 سنة وشوية كسور والله انا زعلت عليك محدش قلى والف الف سلامة عليك من الكسور.
سؤالى الأول :
الكسور دي ياترى حادثة ولا علقة سخنة .
سؤالى الثانى :
؟

لو سمحت اضغط لأسفل




كمان مرة




خلاص هانت قربت توصل





انتظرنى غداً لتقرأ السؤال الثانى ." سؤال مهم جدا أوعى يفوتك "
بااااااااااااااااااااااااااااى

اهو كدا الكلام ..على فكرة سلطان دا امتحان صعب الله يعينك عليه
والحمد لله انى مكنتش انا تانى ضيف
استعد للاسئلة اول سؤال عايزين تتم البطاقة الشخصية عن مستواك التعليمى
سؤالى دا عشان المرور بس والترحيب بيك فى الباب
طيب سؤال تانى
ايه الشئ التانى لى انت حاسس انك لسا ماقدمتو للمنتدى
ياريت اكون خفيفة الاسئلة عليك.......سلام لسؤال تانى

بلال كتب سؤالى الأول :
الكسور دي ياترى حادثة ولا علقة سخنة .
اولا شكرا على المقدمه يا سيدى الحادثه دى بعيد عنك سنويه يعنى دى مش اول مرة وبعدين دى كسور حسابيه ومش عظاميه ومش هاقد اشرحلك سامحنى لان الموضوع ده صعب عليك لانه عايز دماغ كبيرة بعنى دماغ واحده مش دماغين زى اللى عندك

ملاك كتبت
اهو كدا الكلام ..على فكرة سلطان دا امتحان صعب الله يعينك عليه
والحمد لله انى مكنتش انا تانى ضيف
استعد للاسئلة اول سؤال عايزين تتم البطاقة الشخصية عن مستواك التعليمى
سؤالى دا عشان المرور بس والترحيب بيك فى الباب
طيب سؤال تانى
ايه الشئ التانى لى انت حاسس انك لسا ماقدمتو للمنتدى
ياريت اكون خفيفة الاسئلة عليك.......سلام لسؤال تانى
والله انا مش بحب ابقى فى المواقف دى بس هو شر لابد منه ومتسعجليش دورك جاى لانك كنتى فعلا هاتكونى تانى ضيف على حد علمى بس ربنا بيحبك
ردا على سؤالك الاول مستواى التعليمى متوسط يعنى انا اكتفيت لغايه المرحله الثانوبه وثانويه صناعيه كمان مش ثانويه عامه ولكن فيه محاولات عشان اكمل جامعه مفتوحه ان شاء الله
وردا على سؤالك التانى هو انا حاسس ودى حقيقه انى لسه ماشاركتش بمواضيع فى جميع ابواب المنتدى واتمنى المشاركه وخاصه فى باب الالعاب وربنا يوفقنى قريب واقدر اشارك

انا عايزة اسالك سؤال بس محرجة ياريت تتقبلو منى سلطان
انا عارفة انو الام متوفية سلطان تقول ايه للمرحومة امك واسفة على تقليب المواجع

انا بشوف انو سلطان اكبر من انو يخجل يقول الحقيقة سواء اكتفى هو او اكتفت الوزارة وانا لم اسالو لانى ارى مستواه متواضع ياخى بلال اهو سؤال اضافى للبطاقة الشخصية وبس
ثم المستوى المعرفى ليتعلق بالمستوى الدراسى يكفيه انو يعرف انجليزى ويرد على مواضيع لى تكون باللغة الانجليزية فى حين انا لا استطيع الرد لقلت معرفتى بيها
ثم نحن هنالنتعرف على بعض ليس لنتباهى على بعض بالمستويات اللهم ان كان الامر شخصيا بينكما فانتما احرار
فلا تاخذ ببالك ياسلطان وتزعل من اسالتنا وبلاش احراج يبلال ؟

مشكورة يا ملاك والله علي ردك نيابة عن سلطان بس احب اوضح ان بلال كان يهدر مع اخوه سلطان وليس سخرية منه وعندنا مثل يقول العلم في الراس مش في الكراس ، كل الموضوع انه كان يحب يداعب سلطان
واللي يحبك يلاغيك ياسلطان
سؤالي يا سلطان هو انت زعلت من سؤال بلال وهل تعتقد ان سؤاله كان من باب الفكاهه أو الدعابة أو غير ذلك ؟؟؟؟

اولا شكرا ليكى يا ملاكى الحارس جزيل الشكر على ردك فى غيابى نيابه عنى وانا مبسوط جدا لان عرفت قيمتى وسطكم والحمدلله انى طلعت محبوب وفعلا انا مفيش حاجه فى حياتى تخلينى اخجل منها والحمدلله مستواى الدراسى يخلينى عايش فى حاله اجتماعيه اى حد يتمناها من اصحاب الجامعات فى مصر عموما وردا على سؤالك التانى بقول للمرحومه امى ياريت تسامحنى لانى كنت شقى ومتعب كتير وانا صغير وبادعيلها بالرحمه وبتمنالها الجنه وانا فعلا مفتقدها جدا جدا جدا وكنت بتمنى انها تكون معايا دلوقت اكتر من اى وقت فات ربنا قدر والحمدلله وبسالكم قراءة الفاتحه على روحها

شكرا على قدرتك فى الرد سلطان بس لسا لينا اسئلة كتير
ومنها
عايزاك تحكيلى كنت بتعمل ايه ايام ازمة الجزائر ومصر وحكى بصراحة
ومش عنزعل عشان كلنا عملنا

احنا هانهزر هو انا فاكر اكلت ايه امبارح بس ما افتكرش انى عملت حاجه عشان انا كان معايا جزائريين فى الشغل وعادى يعنى هاعمل ايه بس فى بطوله افريقيا كنا عاملين افراح فى الشارع لفوز منتخب مصر وصعوده للنهائى وبرضه ده حصل ايام ما كسبنا البطوله من مالى عادى يعنى

salas chlonak
cho tatmana fi hayatik kolaha
cho hadaf habib thako w lisa mathakakch
min aktar 3odw bthibo hoooooon
baaaaaaaaaaaaay

ونهزر ليه سلطان سؤال وخطر على بالى كاى سؤوال مانت فى كرسى الاعتراف ولا انت نسيت
اى باب فى المنتدى تهواه وتحب تخدمو اكثر

شمس الظهر كتب:

salas chlonak
cho tatmana fi hayatik kolaha
cho hadaf habib thako w lisa mathakakch
min aktar 3odw bthibo hoooooon
baaaaaaaaaaaaay

اتمنى من ربنا الستر والصحه والهدايه ان شاء الله
اهداف كتيرة بس اهما انى لسه مكونتش اسرة وربنا يسهل
واكتر عضو انا بحب كلا اعضاء المنتدى وبحب جاتى كمان بزياده عشان مرضيتش تسال واكتفت بالمرور

ملاك العرب كتب:

ونهزر ليه سلطان سؤال وخطر على بالى كاى سؤوال مانت فى كرسى الاعتراف ولا انت نسيت
اى باب فى المنتدى تهواه وتحب تخدمو اكثر

ياستى ما انا عارف انا اصلا بهزر
مش عارف بس انا بحب اخدم باب الرومانسيه والادب والذى منه

gatti20twity كتب:

الله يعينك يا عم سلطان
انا اتنازل عن اسالتى
تحياااااااااااااااااااااااااااااتى

متشكر جدا يا جاتى انتى انسانه عظيمه بس برضه لما تقعدى مكانى مقدرش اوعدك انى هاسكت هههههههههه

ايهههههههههههههههههههههههه الحكاية يا عم سلطان
هو انت لسه قاعد على الكرسى انت لزقت ولا ايه على العموم ليه عندك سؤال ثانى بس قبل ما اسأله عايز اقول لملاك العرب حاجة :
انا مبسوط خالص منك انك رديتى بالنيابه عن سلطان ودافعتى عنه
بس احب اعرفك :
اولا :ان كلامى لسلطان من باب الفكاهة وهو يعلم ذلك جيداً وتقدرى تسأليه عشان تتأكدى من كلامى .
ثانيا : انت عليك كل اللوم لانك واحدة من أهم مؤسسى هذا المنتدى وللأسف انت اخليت بشروط هذا المنتدى لانك عندما قرأت رد سلطان صفقتى له وشجعتيه وشكرتيه وقولتى له :
شكرا على قدرتك فى الرد يا سلطان
بالرغم من ان رده كان خارجا عن الالفاظ والتشبيهات بالحيوانات وهذا يتنافى مع شروط المنتدى ولذلك قام ادمين بحذف كلامه والصورة التى ارسلها .
ولو كنت يا ملاك العرب وجهه نظرك انى اخطأت فى سلطان بالرغم من انى لم أخطأ كان يجب عليك ان تلفتى نظرى لهذا بصورة اجمل وارق من ذلك خصوصا وانا عضو جديد فى المنتدى بدلا من تشجيع سلطان على الرد بأسفاف وانا قادر على الرد بمثل هذه الصورة ولكن لن ولم افعل ذلك لأن كل اناء ينضح بما فيه .
اخيرا يا ملاك اتمنى ان يكون اسمك يحمل معانيه وليس حروفه فقط لأن اسمك كبير ومعانيه كبيره ومقامه عندنا كبير .
اما انت ايها السلطان فانتظر منى الرد والسؤال الثانى قريبا
كل سنة وانتم طيبين بمناسبة العام الجديد

هههههههههههههههههههههههه ماشى يا بلال ولك منى كل الاسف وانت عارف برضه انى مش قصدى اساءه ليك وانا بحبك يا ابو بيبو وارجو ان تقبل اعتذارى

برافو عليك سلطان ردودك حلوة وجميلة وشكرا علي توضيحك يا بلال
ومنتظر تعليقك يا ملاك وزعلان منك ياجاتي وبحب شمس عشان بتنور المنتدي لما تشرق علينا كل فترة
شكرا ليكم جميعا علي تفاعلكم مع هذا الباب

gatti20twity كتب:

ههههههههههههههههه
زعلان منى ليه هو انا عملت حاجة
دا انا حتى تنازلت عن اسالتى ههههههههههههههه

هو دا اللي مزعلني يا جاتي كنت عايزك تقطعية اسئلة

بلال محمد حجاج كتب:

ايهههههههههههههههههههههههه الحكاية يا عم سلطان
هو انت لسه قاعد على الكرسى انت لزقت ولا ايه على العموم ليه عندك سؤال ثانى بس قبل ما اسأله عايز اقول لملاك العرب حاجة :
انا مبسوط خالص منك انك رديتى بالنيابه عن سلطان ودافعتى عنه
بس احب اعرفك :
اولا :ان كلامى لسلطان من باب الفكاهة وهو يعلم ذلك جيداً وتقدرى تسأليه عشان تتأكدى من كلامى .
ثانيا : انت عليك كل اللوم لانك واحدة من أهم مؤسسى هذا المنتدى وللأسف انت اخليت بشروط هذا المنتدى لانك عندما قرأت رد سلطان صفقتى له وشجعتيه وشكرتيه وقولتى له :
شكرا على قدرتك فى الرد يا سلطان
بالرغم من ان رده كان خارجا عن الالفاظ والتشبيهات بالحيوانات وهذا يتنافى مع شروط المنتدى ولذلك قام ادمين بحذف كلامه والصورة التى ارسلها .
ولو كنت يا ملاك العرب وجهه نظرك انى اخطأت فى سلطان بالرغم من انى لم أخطأ كان يجب عليك ان تلفتى نظرى لهذا بصورة اجمل وارق من ذلك خصوصا وانا عضو جديد فى المنتدى بدلا من تشجيع سلطان على الرد بأسفاف وانا قادر على الرد بمثل هذه الصورة ولكن لن ولم افعل ذلك لأن كل اناء ينضح بما فيه .
اخيرا يا ملاك اتمنى ان يكون اسمك يحمل معانيه وليس حروفه فقط لأن اسمك كبير ومعانيه كبيره ومقامه عندنا كبير .
اما انت ايها السلطان فانتظر منى الرد والسؤال الثانى قريبا
كل سنة وانتم طيبين بمناسبة العام الجديد

صبا ح الخير على احلى بلبل فى المنتدى
منذ ايام كنت اصحا وانا على المنتدى باحلى تغريد لبلبلنا الجميل محمد الحجاج فى مواضيع جميلة وردود اجمل
ولكن اليوم الظاهر انو زعلان مننا واحنا عايزين نرضيه مكانش القصد والله
لقد تنبهت لسوء رد سلطان عليكم وكنت اود ان احذف جمله الاخيرة من رده وسهوا منى غفلت على الموضوع ظننا منى انكما تعرفان بعضيكما
وانتما الاجدر بالرد على بعضيكما ومع ذلك اعتذر لسوء الظن فاالاحترام هنا يجب ان احكم عليه على مستوى التعامل فى المنتدى لا على المستوى الشخصي

علما اننى فى ردى ماكنت ادافع عليه بقدرما اننى كنت انوه اننى لم اكن اقصد الاساءة لسلطان الغرام
وخفت عليه انه يزعل من سؤالى ويعمل فى نفسو حاجة كما اننى خفت من زعلك يوم متشوف ردو عليك وتنسحب من بيننا بسبب سوء تفاهم او غير ذلك
حتى اننى طلبتو منه ان يكون لطيف فى الرد عليك حتى لانفقد ك لانك والله يبلال وعلى المستوى الشخصى اصبحت اعدك واحد منا ولا يمكن الاستغناء عليك صدق او لا تصدق واحس اننى اعرفك من زمان


ثم يابلبل قبل ان اقدم لك اعتذارى اسمحلي ان اقدمه للسيد الذى وضع ثقته بى وسلمنى مفتاح الادارة دون ان اكون فى المستوى وللاسف ثبت اننى سيئة التسيير اثناء غيابه وهو السيد الادمين فاعتذر منك ولك ان تنزعنى المفتاح فانا من الاول اعلنت انسحابى وهو رفض بحكم وجودى الكثير والدائم على المنتدى

وعلى ذكر الاسم مستعدة ان اغيره لاجل الا اتحمل ذنب الملايكة وانت مقامهم عندك كبير ولك ان تختار لى اسم ليس لديه مقام عندكم وسارضى بيه اعتذرا منكم على مابدر منى فى سوء تسير او سوء تعامل

واعلم يابلال اننى احببت فيكم علاقتكم القوية فى مابينكم واحترمتو هزاركم على بعض وتمنيت ان اكون خفيفة الروح مثلكم ولاننى جزائرية جدية لا احب الاهانة لاحد ولا احب المساس بضفر من اضافركم اطلب من السيد المدير ان ينزل فينا اقصى العقوبة وهى حضرنا من الدخول حتى ولو كان احتضارونا يدوم الشهر غير اننى اقول له ان الدور لم يكن على سلطان بقدر ماكان عليا ولو انى مسحت الرد لكنت الان فى غنى عن هذا

يابلال عليك ان تعرف اننى الاكثر دخولا للمنتدى حتى اكثر من الادمين واننى والله اتعب علية بامكانتى البسيطة وان مواضيعى تتعبنى جدا وتاخذى منى الوقت الكثير وانه اصبح سلوتى واكسجينى وراحتى وماعدت استطيع الاستغناء عليه وعليكم فيهمني ان تكونوا راضين عليا وعلى اخلاقى بينكم
ويهمنى ان اكون الملاك الذى يجمعكم فى محبة محترمة ودائمة فاقبل اعتذارى يابلبلنا الكريم ولاننى اعرف ان المنتدى ليس بعدد اعضاءه وانما بتواصل اعضاءه كاسرة واحدة فلا تحسب عليا تساهلى هذا وما انا مديرة الا بالاسم فقط ؟

اعذرنى قد اطلت عليك وكل عام وانت بخيروتعود عليك بالخير ان شاء الله

على فكرة اول مرة اعرف انو قسم كرسى الاعتراف يجمع اعضاءو بهذا القدر اذا ربى يدومو هكذا يجمعنا على طول والا ينتهى بانتهاء عدد الاعضاء الموجودين دائما سلمتم جميعا
سؤالى لسلطان لو كنت مدير يهل ترى كنت تحذف ردك على بلال اة تخليه ؟
والتانى نفسك تضيف حاجة للمنتدى باب او قسم او اى شئ اخر

اهلا سلطان
ربنا تتحقق كل امنياتك
وانا دي الوقت مررت فقط عشان تحبني بزيادة
اهو مريت اسلم بس
ان شاء الله تحبني بزيادة
ههههههههههههههههههه

ختامها مسك انشاءاللة انا حبات اكون اخر واحدة تسال عشان اكون المسك الى يلطف الكرسى بتاع سعتك يا عم سلطان وسؤالى الاول ياترا احساسك اية وانت قاعد على الكرسى والسؤال التانى موصفات فتات احلامك اية عشان اشوفلك عروسة

هههههههههههههههههه واللى انا اللى جاى متأخر على شان اسأل نفس السؤال التانى اللى سألتوا ساندى وعلى العموم عايزين نسمع الرد يا سلطان على ما افكرلك فى سؤال جامد انتظرنى يا............................................. الغرام ؟

يمرحبا يامرحبا بالفنان فى باب كرسى الاعتراف عايزينك تكون ضيف ايه رايك ؟

ان شاء الله وربنا يسهل وتكون الاسئلة سهلة شوية بس

يا ايها السلطان المزيف " هاى هيي "
انا عارف انك زهقت من الجلوس على الكرسى بس معلش استحمل كلها كام سؤال وبعدين نرميك هيلا بيلا من عليه .
طبعا انت لما رديت عليا من قبل ارسلت لى صورتك وانا مبسوط خالص انى شفتك فيها لأنى ليا مدة مشفتكش بس تصدق ملامحك لسه زى ما هى متغيرتش .
" اكيد فاكرها طبعا اللى مسحها ادمين "
المهم عايز اعرف هو التوقيع اللى من تحت ده توقيعك
بصراحة افتكرته نعي اصلى كل ما اقراه احس انى فى صفحة الوفيات .
هههههههههههههههههههههه

احب اقول للملاك الطاهر انك اكبر من انك تعتذرى ليا فالملايكة لا يعتذروا
وانك احلى ما فى هذا المنتدى .
ولو سمحتيلى عايز اعمل تعديل على اسمك بدلا من ملاك العرب
المفروض يكون ملاك الدنيا لأنك جديرة بالاسم ده فهو يحمل كل صفاتك الشخصية
فانت ملاك ليس للعرب فقط
بل ملاك لكل للدنيا كلها

[ندعوك للتسجيل في المنتدى أو التعريف بنفسك لمعاينة هذه الصورة]

اكثرت من مواصفات الملايكة وصرت احسب له الف حساب خلينا ملاك العرب فقط لو غلطنا تحسب من غلطات العرب هما العرب بردو كثرى الغلط ههههه
يسلمو بلال على كلامك

شكرا ليك على الصور الجميلة
وهى ان دلت فهى صور تدل على رقتك وطيبتك
تسلمى وتعيشى على كلامك الجميل وصورك الرقيقة