جرحك علمني الشعر خلانــــــــي في دفاتــــــري افر
واكتب كل كلامي المر في هواني وجرحي في حب العمر
جرحك علمني أكون بخيانــــــتك بدأت حيـــــــــاتي
اتعلمت لمـــــــا أهون أكتب واحكي عن مأســـــــاتي
عمري ماكنت اتصور إني جرحك ليَّ في يوم يلهمني
ماهو جرحك خلاني اديبة وكراستي من قلبي حبيبة
كل ماحس بجرحك ليَّ القا عليها تروح عنيا
أجري وامسك ورقي وقلمي واكتب كل جراحي وألمي
جرحك علمني الشعر خلاني في دفاتري افر
واكتب كل كلامي المر في هواني وجرحي في حب العمر
اد ماجرحك ليَّ كسرني اد ماجرحك ده قواني
اتعلمت في بعدك عني محتاجش بعدك حب تاني
مش محتاجة حد يطبطب لما احكيله عن احزاني
اتعلمت أحكي وارتب كل كلامي ده في اغاني
ولا لإيد تمسحلي دموعي أصل دموعي هتنزل ليه
ولو خانتني مرة ونزلت أُمّال ايدي اتخلقت ليه
جرحك علمني الشعر خلاني في دفاتري افر
واكتب كل كلامي المر في هواني وجرحي في حب العمر
جرحك علمني احب الجرح واسامح كل اللي بيجرحني
وانا دلوقت بقولك صح يا جرح كل مافيه ريحني
[center][justify]
